لە کاتێکدا نرخی نەوت بە شێوەیەکی گشتی بەردەوامە لە بەرزبوونەوە، عێراق بەراورد بە ساڵی رابردوو داهاتی نانەوتیشی لە ٥٪ ەوە بەرزکردۆتەوە بۆ ١١٪ و ئەو دوای کە ٨٩٪ داهاتی نەوتە.
وەزارەتی دارایی عێراق ئەمڕۆ سێ شەممە بڵاوی کردەوە، بەپێی خشتە داراییەکانی وەزارەتی دارایی، کۆی داهاتی عێڕاق لە مانگی کانوونی دووەمی ئەمساڵ ١١ تریلۆن و ٥٢٧ ملیار و ٤٥٣ ملیۆن و ٥٨٧ هەزار دینار بووە.
وردەکاری ئەم داهاتەش بەمشێوەیە بووە کە سەرجەم ئەو داهاتە بڕی ١٠ تریلۆن و ٢٧٥ ملیار و ٧٧٦ ملیۆن و ٤٦٠ هەزار دیناری داهاتی نەوتی بووە، بڕی یەک تریلۆن و ٢٦٦ ملیار و ٣٠٧ ملیۆن و ٩٥٦ هەزار دیناریش داهاتی نانەوتی بووە.
وەزارەتی دارایی عێراق ئەوەشی بڵاوکردۆتەوە، لە ماوەی سێ مانگی رابردوودا داهاتی نانەوتی بە رێژەی ٦٪ بەرزبوونەوەی بەخۆیەوە بینیوە و گەیشتووەتە ١١٪، لەکاتێکدا، ساڵی رابردوو داهاتی نانەوتی تەنها ٥٪ بوو.