کەشناسی هەرێمی کوردستان پێشبینی دەکات ئەمڕۆ پلەی گەرما کەمێک بەرزبێتەوە، بەڵام دەڵێت' سبەینێ ئەگەری نمەبارانی کورت خایەن و هەورە تریشقە هەیە لە ناوچە شاخاوییەکانی پارێزگای دهۆک".
کەشناسی هەرێمی کوردستان ڕایگەیاند" ئەمڕۆ یەکشەممە، ١٤ی نیسانی ٢٠٢٤ ئاسمان ساماڵ و پەڵە هەور دەبێت بەگشتی و پلەی گەرما کەمێک بەرز دەبێتەوە".
سەبارەت بە سبەینێ دووشەممەش ١٥ی نیسان ڕایگەیاند" ئاسمان نیمچە هەور دەبێت، لەسەر بەشێک لە ناوچە شاخاوییە بەرزەکانی سنووری پارێزگای دهۆک ئەگەری نمە بارانی کورت خایەن و هەورە تریشقە هەیە".
ئەوەشی خستەڕوو کە پلەی گەرما ١-٣ پلە نزم دەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : ٢٥
سلێمانی: ٢٤
دهۆک: ٢٤
زاخۆ: ٢٥
هەڵەبجە : ٢٦
کەرکووک : ٢٨
سۆران : ٢٤
حاجی ئۆمەران : ١٤
گەرمیان : ٣٠