بەڕێوەبەرایەتی گشتی کەشناسی هەرێم بۆ ئەمڕۆ دوو شەممە پێشبینی دەکات کەشوهەوا لە هەندێک ناوچەی دهۆک و قەزای شەنگال باراناوی و بە برووسکە بێت، بەڵام سبەی ساماڵ دەبێت.
کەش ناسی لە راگەیاندنێکدا ئاماژە بۆ ئەوە دەکات کە ئەمڕۆ لەگەڵ ئەگەری تاوە باران و بروسکەی کەم کەم لەناوچەکانی رۆژئاوای هەرێم (ناوچە سنووریەکان و قەزای شەنگال و دەوروبەری ) وە هەندێک لەناوچەکانی پارێزگای دهۆک، هەروەها ئەگەری بەرزبوونەوەی تۆزێکی سووک لەناوچەکانی باشوور و رۆژئاوای هەرێم هەیە،وە لەکاتەکانی شەودا کەشەکە جێگیر دەبێتەوە و ئاسمان بەرەو ساماڵ دەگۆرێت".
لە بارەی پلەی گەرمای ئەمڕۆ دوو شەممە ئەوە دەخاتەڕوو کە کەمێک نزم دەبێتەوە بە ١-٣ پلە بە بەراورد بە تۆمارکراوەکانی دوێنێ .
سبەی سێ شەممە بەم شێووەیە دەبێت:
ئاسمان ساماڵ دەبێت لەگەڵ پەیدابوونی پەڵە هەورە جیاجیا.
لە بارەی پلەکانی گەرمای رۆژی سێ شەممەوە، کەشناسی ئاماژە بەوە دەکات پلەکانی بەرز دەبێتەوە بە نزیکەی ١-٣ پلە بەراورد بە تۆمارکراوەکانی ئەمرۆ .
بەرزترین پلەکانی گەرمای پێشبینیکراو بە پلەی سیلیزی
هەولێر : ٢٧
سلێمانی:٢٥
دهۆک: ٢٥
زاخۆ: ٢٦
هەڵەبجە: ٢٥
کەرکوک: ٢٩
سۆران: ٢٤
حاجی ئۆمەران:١٥
گەرمیان: ٣٠