هێزە دیموکراسییەکانی سوریا لە باشوری شاری حەسەکە و تەل بەراک ١٢ گوندیان لەدەستی چەکدارەکانی داعش رزگارکرد.
یەپەگە بڵاویکردەوە کاتژمێر ٣ ی بەرەبەیانی ١١/٢ هێزە دیموکراسییەکانی سوریا دەستیان بە هێرشکردن کردو سەرەتا گوندی " عتال " کە دەکەوێتە خوارووی تەل بەراکەوە بە دووری ١٠ کم رزگارکردو دواتر گوندەکانی " خەراب عەلی و رێنس " یان رزگار کرد کە ئەو ناوچانە بە ١٥ کم چوارگۆشە دەبێت.
بەهاوئاهەنگی لەگەڵ ئەم هێرشەدا، لە باشوری حەسەکەش هێزە دیموکراسییەکانی سوریا ٩ گوندی تریان ئازاد کرد.
هێزە دیموکراسییەکانی سوریا پێکهاتوون لە هێزی رێکخراوی عەرەب و مەسیحیەکان، بەڵام هێزە کوردییەکانی یەپەگە سەرکردایەتییان دەکات و هێزە ئاسمانییەکانی هاوپەیمانانیش پشتگیریان دەکەن.