بەڕێوەبەرایەتی کەشناسی و بومەلەرزەزانی هەرێمی کوردستان ڕایگەیاند
دوای یەک ساڵ و لە ١١/١١ دا جارێکی دیکە دیاردەی سەگەکانی خۆر لە ئاسمانی کوردستان
دەرکەوتەوە.
بەڕێوەبەرایەتییەکە وێنەی دیاردەکەی
بڵاوکردووەتەوە و نوسیویەتی " لە
2015.11.11 دیاردەی (سەگەكانی خۆر – Sun Dogs) روویانداو لە 2016.11.11 ەش له هەمان كاتدا
دووبارە بۆوە!|
پێشتر بەڕێوەبەرایەتی
کەشناسی هەرێم نوسیبووی "ئەم دیاردەیەش لەسەر شێوەی دەركەوتنی 2 تا 3 خاڵی
گەش و رووناك و رازاوە بە رەنگەكانی پەلكە زێڕینە لە لای راست و چەپی دیسكی خۆرەوە
دەردەكەوێت و هۆكارەكەشی دەگەڕێتەوە بۆ شكانەوەی تیشكی خۆر بەنێو كریستاڵە
سەهۆڵییە شەش لایەكانی هەوری ئاست بەرزی (سیڕۆستڕاتۆس - Cirrostratus) و
پاشان شیبووەنەوەی بۆ حەوت رەنگە سەرەكییەكەی خۆیدا".
ئاماژە بەوەشکراوە ئەم دیاردەیە بە خۆری ناڕاستیش ناو
دەبرێت چونکە زۆرجار بینەر واهەست دەکات دوو یان سێ خۆر لە ئاسماندا دەدرەوشێتەوە.