دەربارەی ئەو راگەیاندنەی دوێنێ شەو بارزانی لەسەر پرسە ناوخۆیەکان بڵاویکردەوە، یەکگرتووی ئیسلامی کوردستان بە ئیجابی وەسفی دەکات.
لە راگەیاندنێکی ئەنجومەنی سیاسی و جەماوەری یەکگرتوودا کە دەستەی سەرکردایەتی ئەو حیزبەیە و ئەمڕۆ بڵاویانکردەوە، هاتووە" بە هەنگاوێكی ئیجابی و بە ئاراستەی دروستی دەزانین و هیوادارین ببێتە سەرەتایەك بۆ دۆزینەوەی رێگا چارەی پێویست بۆ كێشە و ئاڵۆزیەكانی هەرێم و هەنگاوی كردارەكی بەدوا دابێت" .
بەناوی خوای بەخشندە و میهرەبان
ئێمە لە یەكگرتووی ئیسلامی كوردستان پەیامەكەی بەرێز كاك مەسعود بارزانی لە 20/11/2016 سەبارەت بە قەیرانە سیاسیەكەی هەرێمی كوردستان بە هەنگاوێكی ئیجابی و بە ئاراستەی دروستی دەزانین و هیوادارین ببێتە سەرەتایەك بۆ دۆزینەوەی رێگا چارەی پێویست بۆ كێشە و ئاڵۆزیەكانی هەرێم و هەنگاوی كردارەكی بەدوا دابێت .
هەرلەم سۆنگەیەوە داواكارین لە هەموولایەك بەتایبەتی پێنج لایەنە سیاسیەكە هەرچی زووترە گفتوگۆكانی نێوانیان دەست پێ بكەنەوە بۆ گەیشتن بە میكانیزم و چارەسەری گونجاو بۆ بەرێككردنی قۆناغەكە و رزگاكردنی هاوڵاتیانی كوردستان لەم نەهامەتی و خراپی باری گوزەرانەی كە پێوەی دەناڵێنین.
ئەنجومەنی سیاسی و جەماوەری
یەكگرتووی ئیسلامی كوردستان