بڕیارە لە ١٠ی مانگی ئایندەوە دەست بە دابەشکردنی
مووچەی مانگی ١١ بکرێت و یەکەم وەزارەتیش وەزارەتی پێشمەرگە مووچە وەردەگرێت.
سەرچاوەیەکی ئاگادار لە وەزارەتی دارایی بە سپی
میدیای ڕاگەیاند هەفتەی داهاتوو تر دەست بە دابەشکردنی مووچەی مانگی ١١ی فەرمانبەران
دەکرێت و ئەم هەفتەیەش کۆتایی بە دابەشکردنی مووچەی مانگی ١٠ دێت".
پێشترش سەفین دزەیی وتەبێژی حکومەتی هەرێم ڕایگەیاندبوو
کە ڕاستەوخۆ دوای دابەشکردنی مووچەی مانگی ١٠ی فەرمانبەران دەست بە دابەشکردنی مووچەی
مانگی ١١ و دواتر مووچەی مانگی ١٢ دەکەن.
بەڵام ماڵپەڕی کوردیوی زمانحاڵی یەکگرتووی ئیسلامی
لە هەواڵێکیدا باس لەوە دەکات کە حکومەت مووچەی ئەو دوو مانگەی ئەمساڵ کە ماوە بە تەواوی
پاشەکەوتی دەکات و ساڵی ئایندە ڕاستەوخۆ مووچەی مانگی یەکی فەرمانبەران دابەشدەکات
نەک مووچەی مانگی ١١.