هەفتەی ئایندە مووچەی هیچ وەزارەتێک
دابەشناکرێت و هەفتەی ئایندەتر دەست بە دابەشکردنی مووچەی مانگی یەکی فەرمانبەران
دەکرێت و مووچەی مانگی ١١ و ١٢ش پاشەکەوت دەکرێت.
سەرچاوەیەکی ئاگادار لە وەزارەتی دارایی بە
سپی میدیای ڕاگەیاند، هەفتەی داهاتوو وەزارەتی دارایی ئامادەکاری بۆ دابەشکردنی
مووچەی مانگی یەکی وەزارەتی دارایی دەکات و لە هەفتەی داهاتووتریشدا دەست بە
دابەشکردنی موچە دەکات".
سەرچاوەکەی وەزارەتی دارایی وتویشی کە
حکومەتی هەرێم بڕیاریداوە کە مووچەی مانگی ١١ و ١٢ی ساڵی ٢٠١٦ پاشەکەوت بکرێت و
ڕاستەوخۆ دەستبەدابەشکردنی موچەی مانگی یەک بکرێت.
ئاشکراشیکرد وەک هەموو جارێک یەکەم وەزارەت،
پێشمەرگە مووچە وەردەگرێت و هەر لەو هەفتەیەشدا موچەی ئەنجومەنی ئاسایش و بەشێک لە
وەزارەتی ناوخۆش دابەشدەکرێت.