لە درێژەی كۆبوونەوەكانی ئەستانە، ئەمرۆ هەریەك لە روسیا، توركیا‌و ئێران لەسەر دروستکردنی ناوچەی ئارام لە چوار ناوچەی سوریا ڕێککەوتن.

 گەڕی چوارەمی دانوستانەکانی تایبەت بە قەیرانی سوریا لە ئەستانە ئەمرۆ کۆتایی هات و ڕوسیا و تورکیا و ئێرانیش ڕایانگەیاند، لەسەر دروستکردنی ناوچەی ئارام لە سوریا ڕێککەوتوون و بەپێی رێکەوتنەکە  ناوچەی ئارام لە پارێزگای ئیدلب و دەوروبەری دیمەشق و درعا و حمس دروست دەکرێت.

ئاماژە بەوەکراوە، بەپێی رێکەوتنەکە چوار ناوچەی ئارام لە سوریا دروست دەکرێن و هەر یەک لە روسیا و ئێران و تورکیا سەرپەرشتی دروستکردنی ئەو ناوچانە دەکەن.

هەر سێ وڵاتیش ئاماژەیان بەوەکردووە، کە رێککەوتوون لەسەر پاراستنی سەروەری خاکی سوریا  و چارەسەرکردنی قەیرانی سوریا بەپێی بڕیاری ٢٢٥٤ی ئەنجومەنی ئاسایش دەبێت.

هەروەها هەر ئەمرۆ ئۆپۆزسیۆنی سوریا دژی بەشدارکردنی ئێران  هۆڵی کۆبوونەوەکانی جێهێشتووە وەک ناڕەزاییەک.