ئەندامێکی سەرکردایەتیی پارتی دیموکراتی کوردستان ڕایگەیاند دەرگای پەرلەمانی کوردستان بۆ یوسف محەمەد .

ئاراس حەسۆ میرخان، ئەندامی سەرکردایەتیی پارتی، بە ماڵپەڕی باسی نزیک لە حزبەکەی ڕاگەیاندووە ”لە سبەی دووشەممە 31/7/2017، یوسف محەمەد دەتوانێت بۆ پەرلەمانی کوردستان بگەڕێتەوە و بۆ دانیشتنی پەرلەمان، ئاگاداری سەرجەم ئەندامانی پەرلەمان بکاتەوە، چونکە مەرج لەسەر پەرلەمان نەماوە و دەتوانن کاری خۆیان بکەن".

ڕوونیشی کردەوە "گەشبینین بگەینە دەرئەنجامێکی باش لەبارەی زۆر پرسی سیاسییەوە، چونکە جۆرێک لە ھاتنە پێشەوە لەلایەن ھەموو لایەنەکانەوە ھەیە، بە تایبەت پارتی و گۆڕان".

لەبارەی داواکارییەکەی یەکێتیی نیشتمانیی کوردستان بۆ کاراکردنەوەی پەرلەمان تا بەرواری 10/8/2017، میرخان وتوویەتی پارتی پێی خۆشە زووتر لەو وادەیە پەرلەمان کارا ببێتەوە و ئەوانیش دەتوانن بێنە پێشەوە و کەس لە کاراکردنەوەی پەرلەماندا ڕێگر نییە.