شاندێکی باڵای پارتی دیموکراتی کوردستان سەردانی بزوتنەوەی گۆران دەکات لەشاری سلێمانی و گفتوگۆ لەبارەی ئاسایی کردنەوەی پەیوەندییەکانی نیوانیان دەکەن.
بەپێی زانیارییەکانی سپی شاندەکەی پارتی بە سەرۆکایەتی نێچیرڤان بارزانی جێگری سەرۆکی پارتی دیموکراتی کوردستان-ەو، بڕیارە لە کاتژمیر11:00ـی پێش نیوەڕۆی ئەمڕۆ سێشەممە 4ی ئەیلول، لە گردی زەرگەتە لەگەڵ بزووتنەوەی گۆڕان کۆببنەوە.
هەر بەپێی زانیارییەکان کۆبوونەوە تەنها بۆ ئاساییکردنەوەی پەیوەندییەکانی نێوان پارتی و بزووتنەوەی گۆڕانە، کە دوای جیاکردنەوەی دەنگەکانی هەڵبژاردنی ١٢ی ئایاری پەرلەمانی عێراق لە نێوان لایەنە سیاسییەکان دروستببوو.
ئەمەش لەکاتێکدایە رۆژی یەکشەممەی رابردوو
شاندەکەی پارتی لەگەڵ هەریەک لە عەلی باپیر، ئەمیری کۆمەڵ و بەرهەم ساڵح، سەرۆکی هاوپەیمانی دیموکراسی و دادپەروەری کۆبووەوە، بە کۆبوونەوەکەی ئەمڕۆی لەگەڵ بزوتنەوەی گۆڕان دوایین ویستگەی سەردانی ئەو شاندەیە بۆ لای لایەنە سیاسییەکان.