لەناوچەی كانی گۆمەی شاری سلێمانی لیژنەهاوبەشەكانی قایمقامیەتی سلێمانی سزای خاوەن باخێك دەدەن كە سەوزە بە ئاوی ئاوەڕۆ بەرهەم دەهێنێت و لە بازاڕەكانی سلێمانی ساغی دەكاتەوە، خاوەنی باخەكە لەسەرپێچییەكەی ئاگاداركراوەتەوە و دەستیشگیراوە بەسەر ئەو كەرەستانەی كە بۆ ئاودانی سەوزە و میوەكە بەكاری هێناوە.
لیژنەی ژینگەی سەر بەلیژنە هاوبەشەكانی قایمقامیەتی سلێمانی رێگری لە خاوەن باخێك دەكەن كە سەوزە بە ئاوی قورس "ئاوەڕۆ" لە نزیك شوێنی نیشتەجێبون بەرهەم دەهێنێت و جگەلەوەش بووەتە هۆی بێزاركردنی هاووڵاتیانی ناوچەكە.
تابان محەمەد، سەرۆكی لیژنەی ژینگەی سەر بەلیژنەهاوبەشەكانی قایمقامیەتی سلێمانی رایگەیاند، لەسەر سكاڵای هاووڵاتیان بەدوواداچونیان بۆ بوونی باخێك كردووە لە گەڕەكی كانی گۆمەی شاری سلێمانی و پاش بەدوواداچوون دەركەوت خاوەنی باخەكە بە ئاوەڕۆی گەڕەكەكە سەوزە بەرهەم دەهێنێت و لە بازاڕەكانی سلێمانی ساغی دەكاتەوە، لەگەڵ ئەوەشدا هۆكار بووە بۆ پیسكردنی ژینگەی ناوچەكە و بێزاركردنی هاووڵاتیان.
سەرۆكی لیژنەی ژینگەی سەر بەلیژنەهاوبەشەكانی قایمقامیەتی سلێمانی وتیشی "خاوەنی باخەكە لەسەرپێچییەكەی ئاگاداركراوەتەوە و دەستیشگیراوە بەسەر ئەو كەرەستانەی كە بۆ ئاودانی سەوزە و میوەكە بەكاری هێناوە، ئاماژەی بۆ ئەوەشكرد بەهۆی سەرپێچییەكەیەوە خاوەنی باخەكە رووبەڕووی سزای یاسایی دەكرێتەوە و رێگەی پێنادرێت سەوزە بەو شێوازە بەرهەم بهێنێت".