وەزارەتی دارایی و ئابووریی حکوومەتی هەرێمی کوردستان، ئامادەکارییەکانی بۆ دابەشكردنی مووچەی مانگی شەش دەست پێ کردووە و هەفتەی داهاتوو دەست بە دابەشکردنی دەکرێت.
سەرچاوەیەك لە وەزارەتی دارایی بە سپی راگەیاند، لیستی مووچەی مانگی شەشی فەرمانبەران لەلایەن گەنجینەكانەوە وردبینی كراوە و دراوەتە وەزارەتی دارایی، پاشان دەنێردرێتەوە بۆ گەنجینەكان و بەپێی خشتەی مووچە، مووچەی هەر وەزارەت و فەرمانگەیەك دابەش دەكرێت.
سەرچاوەکە ئەوەشی ئاشکراکرد لە ڕۆژی چوارشەممەی هەفتەی داهاتووەوە 4ی 9ی 2019، دەست بە دابەشكردنی مووچەی مانگی شەش دەکرێت و وەزارەتی پێشمەرگە یەکەم وەزارەت دەبێت کە موچە وەربگرێت.