ئەسەد: ترەمپ باشترین سەرۆکی ئەمریکایە

‌

بەشار ئەسەد، سەرۆکی سووریا لە چاوپێکەوتنێکیدا لەگەڵ کەناڵە ڕەسمییەکانی وڵاتەکەی ڕایگەیاند" ترەمپ باشترین سەرۆکی ئەمریکایە نەک لەبەر ئەوەی سیاسەتی باشە بەڵکو زۆر ڕاستگۆیانە ئاماژە بە سیاسەتە بەرژەوەندیخوازەکانی ئەمریکا دەکات لە وڵات کە ئەوان تەنها شەڕ بۆ نەوت دەکەن".



ئەسەد لە چاوپێکەوتنەکەیدا ڕوونیشکردەوە: كه‌ دۆناڵد تره‌مپ، سه‌رۆكی ئه‌مه‌ریكا  باشترین و ڕاستگۆترین سه‌رۆكی ئه‌مه‌ریكایه‌ كه‌ به‌ئاشكرا مه‌رامه‌كانی خۆی ده‌رده‌خات له‌به‌رانبه‌ر هه‌ر لایه‌ن و وڵاتێك، به‌ڵام پێم وایه‌ كه‌ ئه‌مه‌ریكا له‌هه‌ر شوێنێك بێت داگیركه‌ره‌ و ئه‌وانه‌ی هاوكاریشی ده‌كه‌ن خائینن.


به‌شار ئه‌سه‌د ته‌مه‌ن ٥٤ ساڵه‌، له‌ سووریا له‌ دایك بووه‌، كوڕى سه‌رۆكى پێشووى سووریا حافز ئه‌سه‌ده‌، دواى باوكى له‌ ساڵى ٢٠٠٠وه‌ بووه‌ سه‌رۆكى سووریا، له‌ ساڵى٢٠١١ به‌ هۆى سه‌ركه‌وتكردنى خۆپێشانده‌ران و فه‌رامۆشكردنى گۆڕانكارى و ده‌ستوه‌ردانى ده‌ره‌كى جه‌نگ له‌ سووریا هه‌ڵگیرسا و هێشته‌ به‌شار ئه‌سه‌د هه‌وڵى مانه‌وه‌ ده‌دات له‌ ده‌سه‌ڵات. بۆیه‌ له‌ كۆمه‌ڵگاى نێوده‌وڵه‌تى  به‌شار ئه‌سه‌د به‌ هۆكارى سه‌ره‌كى جه‌نگه‌كه‌ و به‌ كوشتنى هه‌زاران كه‌س و ئاواره‌بوونى ملیۆنان كه‌س تۆمه‌تبار ده‌كرێت. 
 


AM:10:09:01/11/2019








ئەستێرەکان

Spee Media