عەبدوڵا پەشێو، شاعیری ناسراو‌و بەتوانای كورد لەلایەن ناوەندێكی ئەدەبی كوردییەوە بۆ وەرگرتنی خەڵاتی نۆبڵ پێشنیار دەكرێت.

ناوەندی پەنا کورد كە ئەنجومەنێکی نووسەرانی کوردە و چەندین چالاکییان لە چەندین شاری کوردستان و تاراوگە بەڕێوەبردوە، لەدوایین چالاکیاندا، ناوی عەبدوڵلا پەشێو وەک نووسەر و شاعیرێکی ناوناری کورد بەرز دەکەنەوە بۆ دەستەی ھەڵبژاردنی خەڵاتی نۆبڵ کە لەوڵاتی سوید بەڕێوە دەچێ، لەلایەن رێکخەرانی ئەو خەڵاتە مەزنە کە بە گەورەترین و بەنرخترین خەڵاتی جیھانی دادەنرێت، پێشنیازەکە قبوڵکرا.