ئەمشەو ٢٦ ی ئاب چەکدارانی داعش لە رێگای دانانی بازگەی ساختەوە لە سنووری خانەقین کەسێکیان کوشت و پێنج کەسی دیکەشیان رفاند.
رووداوەکە لە سنوری خانەقین لە گوندی ( دەكەی نووری میكایل)بووە، چەکدارانی داعش بازگەیەکیان داناوەو رێگەیان لە ژمارەیەک ئۆتۆمبێل کە باری مریشکیان پێبووە گرتووە، کەسێکیان کوشتووە و ئۆتۆمبێلەکەشیان سووتاندووە". دواتر دوو خاوەن کێلگەی پەلەوەر و دوو برا و جوتیارێکیان رفاندووە.
هێزە عێراقییەکانی ناوچەکە لە دوورە تەقەیان کردووەو بەدەنگ خەڵکەکەوە نەچوون تا چەکدارانی داعش لە ناوچەکە دوورکەوتوونەتەوە.