هونەرمەندی ناسراوی كورد، ماهیر ئەمین كلیپێكی نوێی بڵاوكردەوە كە تێكستی گۆرانیەكە لەلایەن دوو شاعیرەوە نوسراوە.
هونەرمەند ماهیر ئەمین نوێترین كلیپی بەناوی "بەدوامدا مەگەڕێ" بڵاوكردەوە كە لە دەرهێنانی دانەر هاوارە و تێكستی گۆرانییەكە دلاوەر قەرەداغی و ڕەوشت ڕەشید نوسیویانە.
موزیكی ئەم بەرهەمە لەلایەن هۆگر عەزیزەوە دانراوە، لە ئاوازی ڕەوشت ڕەشیدە و كاری دەنگ زیرەك ئەمین كردویەتی، و میكس هۆگر عەزیز و ماستەرینگ بەهجەت نەجات.
هونەرمەندی گۆرانیبێژ، ماهیر ئەمین ساڵی 1973 لە شارۆچكەی ڕەواندوز لەدایكبووە و دەرچووی كۆلێژی ئەندازیارییە، بە كاری میوزیك و گۆرانی دەستی بەكاری هونەری كردووە و خاوەنی ژمارەیەك بەرهەم و كلیپە.