بڕیارە لە رۆژانی جەژنی قورباندا کارەبای نیشتیمانی دوو کاتژمێر زیادبکرێت و رۆژانە نزیكەی 14 كاتژمێر کارەبا بدرێتە هاوڵاتیان.
حەمەئەمین هەورامانی، وتەبێژی وەزارەتی كارەبای هەرێم رایگەیاند، " لەبەر ئەوەی لە رۆژانی جەژن فەرمانگە و زۆربەی كارگە گەورەكان كارناكەن و كارەباكەیان دەگەڕێتەوە بۆ ناو سیستەمی گشتی، کاتژمڕەکانی پێدانی کارەبا بە هاوڵاتیان زیاد دەکات".
وتەبێژی وەزارەتی كارەبای هەرێم وتیشی، "پێشبینی دەكرێت لە رۆژانی جەژندا نزیكەی دوو کاتژمێر كارەبای نیشتمانی زیادبکرێت و بە زیادبوونی ئەو دوو کاتژمێرە، پێدانی كارەبا لە رۆژانی جەژندا دەبێتە نزیكەی 14 کاتژمێر .