سادق عەتیە، پێشبینیکاری کەشوهەوای عێراقی هۆشداریدا لەبارەی بارینی بارانی بەخوڕ و تەرزەوە لە چەند کاتژمێری داهاتوودا.
ناوبراو باسی لەوەشکرد کە بایەکی شێدار لە دەریای عەرەبەوە بە کەنداودا دێت و لەگەڵ بایەکی سارددا کە لە باکورەوە هاتووە، یەکدەگرن و دەبێتە هۆی ناجێگیریی باری کەشوهەوا.
ئاماژەی بەوەشکردوە کە ئەو با و شەپۆلە بارانی بەخوڕ و تەرزە بارینیشی لەگەڵدادەبێت، بەتایبەتی لە بەغدا، کەرکوک، سەڵاحەدین، موسڵ، دیالە، سلێمانی، هەولێر و ئەنبار.