ئەو ژنەی كە سێشەممە لە سنورەكانی لوبنان لەگەڵ منداڵەكەی دەستگیركرا، دانی بەوەدا ناوە كە هاوسەری ئەبوبەكر بەغدادی سەركردەی گروپی داعشە. ئەمەش لەكاتێكدایە وەزارەتی ناوخۆی عێراق پێشتر رەتیكردەوە ئەوە ژنی بەغدادی بێت.

سەرچاوەیەكی سەربازیی لوبنانی بە رۆژنامەی (الجمهوریە)ی ئەو وڵاتەی راگەیاندوە هاوسەر‌و منداڵەكەی بەغدادی كە لەسنوری لوبنان سوریا دەستگیر كراون دانیان بەوەدا ناوە كە هاوسەری ئەبوبەكر بەغدادی ئەمیری گروپی بەناو دەوڵەتی ئیسلامی‌و تا ئێستاش لە وەزارەتی بەرگریی لوبنان لە ژێر لێكۆڵینەوەدان.