کەمێک پێش ئێستا بەشێک لە هاوڵاتیان و کاسبکارانی عەلوەی سلێمانی لە بەردەم بینایی پارێزگای سلێمانی گردبوونەوە و ناڕەزایەتیان ئەنجامدا و داواكاری شۆفێرانی مەرزی باشماخ ڕەتدەكەنەوە.
پەیامنێرمان لەشاری سلێمانی پێی ڕاگەیاندین" بەیانی ئەمڕۆ دووشەممە ١ی ئازار بەشێك لە شۆفێرانی عەلوەی سلێمانی لەبەردەم بینای پارێزگای سلێمانی لەدژی بڕیارەکەی شۆفێرانی مەرزی باشماخ گردبونەوە و داواكاری ئەو شۆفێرانە بە ناڕەوا دەزانن".
ئەوە لە کاتێکدایە دوێنێ یەکشەممە، شۆفێرانى هێڵى باشماخ لەبەردەم بیناى پارێزگاى سلێمانى گردبونەوە و رایانگەیاند" ماوەی چەند ساڵێكە چەندین ئۆتۆمبێلی عەلوەی سلێمانی لەمەرزە لاوەكیەكان باردەكەن و ئەوەش زیانی زۆری بەشۆفێرانی خاوەن هێڵەكان گەیاندووە".