دەربارەی ناردنی مانگانەی پشکی هەرێم لە بودجەی عێراق، مەسرور بارزانی سەرۆکی حکومەت زانیاری بڵاودەکاتەوە.
مەسرور بارزانی سەرۆکی حکومەتی هەرێم لەچاوپێکەوتنێکدا لەگەڵ کەناڵی "ئەلجەزیرە" جەخت لەسەر ئەوە دەکاتەوە، پەیوەندییەکانی هەرێم و بەغدا لەدوای پەسەندکردنی یاسای بودجەوە باشتر بووە، بەڵام لەرووی كردەییەوە هێشتا هیچ کارێک نەکراوە.
مەسرور بارزانی دەشڵیت " هێشتا چاوەڕێی سەرۆک وەزیران و حکومەتی عێراقی دەکەین بەشە بودجەی هەرێم ڕەوانە بکەن، ئێستا ئێمە لە مانگی نیسانداین، بەڵام بۆ ماوەی ١٠ مانگ دەبێت بەغدا هیچ بڕە پارەیەکی ڕەوانە نەکردووە".
لە رێکەوتی ١٨ ی نیسانەوە یاسای بودجەی عێراق لەگەڵ بڵاوکردنەوەی لە رۆژنامەی وەقائیعی عێراقی کەوتە بواری جێبەجێکردنەوە، بەڵام تا ئێستا هیچ بڕە پارەیەک بۆ هەرێم نەهاتووە.