پارێزگای دهۆک لەبارەی قەدەغەی هاتوچۆ لە ڕۆژانی جەژندا چەند بڕیارێکی نوێی دەرکرد و ڕایدەگەیەنێت" هاتوچۆ لە رۆژانی جەژنی رەمەزاندا ئاسایی دەبێت بێت و هەروەها نوێژی جەژنیش ئەنجام دەدرێت".
ژوری ئۆپەراسیۆنی پارێزگای دهۆك، ئەمڕۆ هەینی، لە راگەیەندراوێكدا چەند بڕیارێكی بۆ رۆژانی جەژنی رەمەزان دەركرد، لە بڕیارەكاندا هاتوە، هاتوچۆ لە رۆژانی جەژندا، بە لەبەرچاوگرتنی رێنامییە خۆپارێزییەكان لە پەتای كۆرۆنا، ئاسایی دەبێت و نوێژی جەژنیش ئەنجام دەدرێت بەو رێنماییانەوە كە پێشتر لە مزگەوتەكان پەیڕەوكراون.
دەقی بڕیارەكانی ژوری ئۆپەراسیۆنی پارێزگای دهۆك:
۱ـ هاتنوچون ل رۆژێن جەژنێ دگەل بەرچاڤگرتنا ڕێنماییێن خۆپارێزیێ ژ نەساخیا کۆرۆنایێ دێ ئاسایی بیت.
۲ـ هەر جورە خڕڤەبون و قەرەبالغی ل جهێن گشتی و گەشتیاری قەدەغەیە.
۳ـ نڤێژا جەژنێ دێ هێتەکرن ب هەمان ڕێنمایێن پێشتر کو ل مزگەفتا دهاتنە پەیرەوکرن. داخوازێ ژ ماموستایێن ئایینی دکەین هەر وەکو بەرێ ڕێنمایێن پێدڤی ل نڤێژا جەژنێ پەیرەو بکەن و نڤێژکەرا ژ مەترسیا کۆرۆنایێ ئاگەهدار بکەنەڤەو چونا دەستا ل مزگەفتێ قەدەغە بکەن.
٤ـ هاتنوچونا دناڤبەرا پارێزگەهێن هەرێمێ دگەل پارێزگەهێن عێراقێ لدویڤ بەیانا ژمارە (۱٥) یا سالا ۲٠۲۱ هەروەکو خۆ دێ قەدەغە بیت، بتنێ بۆ ئەو حالەتێن کو د بەیانێدا هاتی دێ ڕێ هێتەدان.
٥ـ هەمو ئەو بریارێن دیتر کو د بەیانێن پێشتردا بۆ پاراستن و سەلامەتیا هاولاتییێن خوشتڤی هاتیەدان دێ وەکو خۆ مینن.