ئەمشەو چوارشەممە هێرشی مووشەکی کرایە سەر بنکەی ئاسمانی بەلەد لە پارێزگای سەڵاحەدین.
بەپێی هەواڵی میدیاکانی عێراق، ئەمشەو ٩ی حوزەیران ژمارەیەک موشەک لە سەرچاوەیەکی نەناسراوەوە ئاڕاستەی بنکەی ئاسمانی بەلەد لە پارێزگای سەڵاحەدین کرا، کە بنکەی سەربازی هێزەکانی ئەمریکای تێدا جێگیرکراوە.
تائامادەکردنی ئەم هەواڵە زیانە گیانی و مادییەکان ئاشکرا نەکراوە، هاوکات سه‌رچاوه‌ی موشه‌كه‌كانیش تا ئێستا نادیاره.