بەڕێوەبەرایەتی گشتی گەشتوگوزاری سلێمانی ئاماری ٦ مانگی لیژنەکانی پشکنینی گەشتوگوزاری سلێمانی بڵاوکردەوەو ئاشکرای دەکات کە ١٢٦ شوێنی گەشتیاری داخراون.
بەڕێوەبەرایەتی گشتی گەشتوگوزاری سلێمانی لە راگەیاندراوێدا کە دانەیەکی نێدراوە بۆ " سپی " هاتووە"لەماوەی ( ٦ ) مانگی ڕابردووی ئەمساڵ ، لیژنەکانی پشکنینی بەڕێوەبەرایەتی گشتی گەشتوگوزاری سلێمانی ( ٣٦٠٠ ) خاوەن مۆڵەتی گەشتیاریان لە شاری سلێمانی بەسەرکردوەتەوە ."
ئەوەش هاتووە " لەو سەردانە ئەنجامدراوانەی هاوکات بووە لە گەڵ تەواوی ڕۆژەکانی هەفتە ، لیژنەکان ( ١٢٦ ) شوێنی جیاوازیان داخستوە و پسوڵەی سەرپێچیان بۆ ( ٢١٣ ) خاوەنکار تۆمارکردوە" .
دەربارەی ئەو شوێنانەی باش و بێ سەرپێچین" وەک لە ئاماری ( ٦ ) مانگی پێشوی لیژنەکان ڕونکراوەتەوە ، ( ٤١٢ ) خاوەن مۆڵەت هیچ کەموکوڕیەکیان لە بەردەوامی کارەکانیان ئەنجامنەداوە" .
لە راگەیاندراوەکەدا هاتووشە" هەروەک ( ٩١٤ ) ئاگاداری پێشکەش کراوە بە مەبەستەکانی (تازەکردنەوەو، دەرهێنانی مۆڵەت ، بەرگری شارستانی ، کۆبونەوە ) کە سەرجەمیان لە پێناو جێبەجێکردنی باشتری مەرج و ڕێنمایەکان بووە" .
زیاتر لە ( ١٤٠٠ ) خاوەن مۆڵەتی گەشتیاری ، لەبەڕێوەبەرایەتی گشتی گەشتوگوزاری سلێمانی تۆمارکراوە و ئەرکی پشکنین و چاودێریان لە ئەستۆی لیژنەکانە .