وەزارەتى دارایى و ئابووری حکومەتی هەرێمی کوردستان رونکردنەوەیەکی لەبارەى (هەڵوەشاندنەوەى بڕوانامە بێ مۆڵەتى خوێندن دەدات) بۆ ڕایگشتی بڵاوکردەوە ورایدەگەیەنێت" وەزارەتى دارایى بەپێی یاسا دەسەڵاتى هەڵوەشاندنەوەى هیچ جۆرە بڕوانامەیەکى نییە و تەنها گشتاندنى بۆ بڕیارێکى ئەنجومەنى وەزیرانى هەرێم کردوە". 

ڕوونكردنەوەیەك لە وەزارەتی دارایی و ئابوریییەوە (وەزارەتی دارایی بە پێی یاسا دەسەڵاتی هەڵوەشاندنەوەی هیچ جۆرە بڕوانامەیەكی نییە)

پاڵپشت بە یاسای چاكسازی و لە موچە و دەڕماڵە بە ژمارە (2) ساڵی 2020 و بە نوسراوی (ئەنجومەنی وەزیران- سەرۆكایەتی دیوانی ئەنجومەنی وەزیران) بە ژمارە (2874) كە بەرواری 7/3/2021 ئاراستەی وەزارەتی دارایی و ئابوری كردووە باس لە چاوخشاندن بەسەرجەم موچە و دەڕماڵەی  بەخشین و ئیمتیازاتەكانی فەرمانبەران دەكات ، بەو پێیە وەزارەتی ئابوری بە گشتاندنی ژمارە (7)  بۆ گشت وەزارەت و فەرمانگەكانی نەبەستراو بە وەزارەت گشتاندنی دەركردووە هەر بۆیە دەمانەوێت ئەم ڕوونكردنەوەیە بڵاو بكەینەوە:-

1-   گشتاندنەكە ئەو فەرمانبەرانە دەگرێتەوە كە خوێندنی بەیانیان یان لە دەرەوەی وڵات بە بێ مۆڵەتی خوێندن بە دەر لە یاسا و ڕێنمایە بەركارەكان. بڕوانامەیان بە دەست هێناوە.

2-   هەموار كردنەوەی بڕوانامەی ئەوانەی لە سەرەوە ئاماژەمان پێداوە لێكەوتە داراییەكانی هەمواركردنی بڕوانامەكانیان هەڵدەوەشێتەوە.

3-   وەزارەتی دارایی و ئابوری دەسەڵاتی هەڵوەشاندنەوەی هیچ بڕوانامەیەكی نییە.

4-   لە ڕۆژانی  داهاتوو ڕوونكردنەوەی یاسایی تایبەت بەو بڕیارە لە ئەنجومەنی وەزیرانەوە بە فەرمی دەردەچێت.

وەزارەتى دارایى و ئابورى حکومەتى هەرێمى کوردستان

8/7/2021