ئاسایشی ڕاپەڕین رایدەگەیەنێت" كەسێك بە دراوی ساختە لە جۆری ١٠٠ دۆلاری و ٢٥ هەزارو ١٠ هەزار دیناری دەستگیرکرا".
بەڕێوەبەرایەتی ئاسایشی ڕاپەڕین لە راگەیەندراوێكدا بڵاویکردەوە، لە درێژەی كاروچالاكیە بەردەوامەكانی هێزەكانمان دوای كۆكردنەوەی زانیاری و بە دواداچوونی ورد بەفەرمانی دادوەری دادگای لێكۆڵنەوەی پشدەر هێزەكانمان لەبنكەی ئاسایشی ژاراوە بەهاوكاری یاریدەدەریتی ئاسایشی قەڵادزێ كەسێكیان دەستگیركرد.
ئەوەشخراوەتەروو، تۆمەتبار كە دۆلاری ئەمریكی لە جۆری(١٠٠) سەد دۆلاری و دیناری عێراقی لەجۆری(٢٥٠٠٠) بیست و پێنج هەزاری و (١٠٠٠٠) دە هەزاری ساختەكراوی پێ بووە.
باسی لەوەشکردووە، تۆمەتبار لە ئێستادا بە پێی ماددەی( ۲٨۱) لە یاسای سزادانی عێراقی ڕاگیركراوە و لێكۆڵینەوە بەردەوامە.