چوارچێوەی هەماهەنگی شیعەکان کە پێکهاتووە لە هاوپەیمانی (دەوڵەتی یاسا، فەتح، نەسر، نەهجی وەتەنی، عطاء و رەوتی نیشتیمانی) لەبارەی ئەنجامەکانی هەڵبژاردن هەڵوێستی فەرمی خۆیان ڕاگەیاند و دەڵێن" کۆمسیۆن بە بەرپرسیار دەزانین لە بەرامبەر شکست و خراپ بەڕێوەبردنی هەڵبژاردن".
هاوپەیمانی چوارچێوەی هەماهەنگی شیعەکان لە ڕاگەیەندراوێکدا ئەنجامەکانی هەڵبژاردنی پێشوەختەی پەرلەمانی عێراق ڕەتدەکەنەوە و دەڵێن" هیوادارین کۆمسیۆنی هەڵبژاردنەکان پێشێلکارییە گەورەکان ڕاستبکاتەوە کە لەکاتی هەژماردنی دەنگەکان و دوای پرۆسەکە و ڕاگەیاندنی ئەنجامەکان کردونی".
ئاماژە بەوەشکراوە: ئێمە ئەنجامەکان بەتەواوی رەتدەکەینەوە و کۆمسیۆنی هەڵبژاردنەکان وەک بەرپرسیاری سەرەکی لەدەستدانی مافی هەڵبژاردن و خراپی ئیدارەدانی هەڵبژاردنەکە دەزانین.