وەزارەتی دارایی حکومەتی عێراق ئەمڕۆ لەسەر گۆڕینی نرخی دۆلار بەرامبەر دینار ڕوونکردنەوەیەکی بڵاوکردەوە و ڕایدەگەیەنێت" گۆڕانکاری لە نرخی دۆلار بەرامبەر دینار بۆ بەرزکردنەوەى ئاستی بەرهەمی نیشتمانی و پارێزگاری لە یەدەگی بانکی ناوەندی بوو لە بودجە".
وەزارەتی دارایی عێراق لە ڕوونکردنەوەکەدا ئاماژەی بەوەکردووە" بەرپرسیارێتی هەڵە و کەموکورتی سێ ساڵی ڕابردوومان هەڵگرت کە هەڕەشە بوو بۆسەر توانای دەوڵەت".
دارایی عێراق لە ڕوونکردنەوەکەدا جەختیشی کردەوە: قەیرانی ڤایرۆسی کۆرۆنا کاریگەری گەورەی کردووەتە سەر بەرهەمی ناوخۆی عێراق.
ئەوەشی خستەڕوو: گۆڕانکارێکانی بەهای دۆلار بەرامبەر بە دینار بۆ بەرزکردنەوەى ئاستی بەرهەمی نیشتمانی و پارێزگاری لە یەدەگی بانکی ناوەندی و پشتیوانیکردن بوو لە بودجە.