پۆلیسی گەرمیان رایدەگەیەنێت" به‌یانی ئه‌مڕۆ له قەزای كه‌لار هاوڵاتیەک خۆی هەڵواسی و به‌هۆیه‌وه گیانی لەدەستدا".
بەڕێوەبەرایەتی پۆلیسی ئیدارەی گەرمیان لە راگەیەندراوێكدا بڵاویكردۆتەوە، بەیانی ئەمرۆ هەینی لە گەڕەكی ئاوارەكانی قەزای كەلار هاوڵاتییەكی لە دایكبووی ساڵی (١٩٦٩) لە ماڵەكەی خۆیدا خۆی هەڵواسی و كۆتایی بە ژیانی خۆی هێناوە، بەوتەی كەسوكارەكەی ماوەی چەند ساڵێكە نەخۆشی دەروونی هەبووە.
لە راگەیەنراوەكە ئاماژە بەوەشکراوە، دوای رووداوەكە تەرمەكەی رەوانەی پزیشكی دادوەری قەزای كەلار كراوە و بەشی پۆلیسی نەهێشتنی تاوانی گەرمیان لێكۆڵینەوەیان دەستپێكردووە.