مامۆستایانی هاوكاری بەهۆی
نەبوونی شایستە داراییەكانیان بۆ ماوەی سێ ساڵ ، بڕیاریاندا خۆپیشاندان ئەنجام
بدەن، لە پارێزگای هەولێر لەبەردەم ئەنجوومەنی وەزیران و مامۆستایانی پارێزگای سلێمانیش
لەبەردەم پەروەردەی گشتی سلێمانی گردببنەوە.
ئەمرۆ دووشەممە ٢٠ی
کانوونی یەکەم، نوێنەری مامۆستایانی هاوكاری، دیاری ئەكرەم ڕایگەیاند "سێ ساڵە تەنها
٩٠٠ هەزار دینارمان وەرگرتووە و چارەنووسمان دیارنییە".
وتیشی "ئێمە نە خۆبەخشین
نە گرێبەستین و نە وانەبێژین، لەگەڵ ئەوەشدا ٨ ساڵە دەوام دەكەین و بڕوانامەی هەموومان
پسپۆڕییە، بەڵام حكومەت بەردەوام بە واستە مامۆستا دەكەنە وانەبێژ، ئەمەش ناهاوسەنگییەكی
زۆری دروست كردووە و داوا دەكەین چارەنووسمان دیاری بكەن یاخود مووچە فەوتاوەكانمان
بدەنەوە".
نوێنەری مامۆستایان وتیشی "پێشتر چوار جار یاداشتمان پێشكەشی لایەنی پەیوەندیدار
كردووە، بەڵام وەڵامیان نەداوینەتەوە، لەكاتێكدا مامۆستا لەسەر ئەركی خۆی چووەتە قەزا
و ناحییەكان".
نوێنەری مامۆستایانی
هاوكاری، دیاری ئەكرەم، داوا دەکات، مامۆستایان هاوكاری بكرێنە وانەبێژ، چونكە
حكومەت ناوی لێناوین مامۆستای هاوكاری و هەموو ئەركەكانمان بە دڵسۆزی جێبەجێكردووە
لەبەرئەوە پێویستە شایسستە داراییەكانمان بۆ خەرج بكرێت.