پارێزگاری هەولێر دەربارەی قەرەبووکردنەوەی زیانلێکەوتووانی لافاوەکەی چەند ڕۆژی ڕابردووی شاری هەولێر روونکردنەوە دەدات و دەڵێت" بڕی چوار ملیار و (٤٦٠) ملیۆن دینار وەک هاوکاری بۆ قەرەبووکردنەوەی هاوڵاتیانی هەولێر کۆکراوەتەوە".
ئومێد خۆشناو پارێزگاری هەولێر ئەمڕۆ لە کۆنگرەیەکی ڕۆژنامەوانیدا ڕایگەیاند" بڕی چوار ملیار و (٤٦٠) ملیۆن دینار وەك هاوكاریكردن بۆ قەرەبووكردنەوەی زیانلێكەوتوانی لافاوەكەی هەولێر دابینكراوە و یەک ملیار و (٣٩٣) دیناریش لە لایەن سەرۆکی حکومەتەوە دابینکراوە".
ئەوەشی خستەڕوو، لە لافاوەكەی هەولێر ٨٢٦ خێزان و ٣١٤ ئۆتۆمبێلیش زیانیان پێگەیشتووە و زیانێكی زۆر بە شوێنە گشتییەكانیش كەوتووە.
بەرەبەیانى ڕۆژی ١٧ی ئەم مانگە بەهۆى ڕێژەیەکی زۆری بارانبارین لافاوێکى بەهێز چەند گەڕەکێکى شارى هەولێری گرتەوە، کە بەهۆیەوە ژمارەیەک هاوڵاتی گیانیان لەدەستدا و یهكێك له قوربانییهكان (دانهر نهبهز)ی تهمهن (١٠) مانگ بووە و تائێتستاش تەرمەکەی نەدۆزراوەتەوە.