گۆرانیبێژی دیاری باشووری کوردستان شاباز زەمانی، دەربارەی شەڕەکەی دوێنێ شەوی کافتریای رەیحانەوە لە پەیامێکی ڤیدیۆییدا روونکردنەوەیەکی بڵاوکردەوە و دەڵێت" داوای یاسایی تۆمار دەکەم".
شاباز لە روونکردنەوەیەکدا لە ستۆری ئینستاگرامەکەی ڕایگەیاند" شەڕە تەقەکە لە نێوان کارمەندانی دوو کۆمپانیای سکیوریتیدا بووە و پەیوەندی بە منەوە نەبووە".
ئەوەی خستەڕوو، من و ستافەکەم لە بەڕێوەبەرایەتی پۆلیسی سلێمانی وتەمان لێوەرگیراوە و بێ تاوانیمان سەلمێندراوە.
جەختیشیکردەوە، سکاڵای یاسایی دژی سەرجەم ئەو پەیج و میدیایانە تۆمار دەکەم، کە ئەو هەواڵە ناڕاستەیان بڵاوکردووەتەوە.
ئەمڕۆ بهڕێوهبهرایهتى پۆلیسى پارێزگاى سلێمانى لە ڕاگەیەندراوێکدا بڵاویکردەوە، شەوی رابردوو لە کاتی بەڕێوەچوونی لایڤ موزیکی شاباز زەمانی لە کافتریا و رێستۆرانی رەیحانە، شهڕ و گرژى دروستبوو لە ئەنجامدا هاوڵاتییهك بریندار بوو، دهستبهجێ مهفرهزهكانى بنكهى پۆلیسى ڕزگارى گهیشتنه شوێنى ڕوداوهكه و توانرا تۆمهتبارهكه دهستگیربكرێت و دهستیش بگیرێت بهسهر چهكێكى جۆرى دهمانچه كه تۆمهتبارهكه تهقهى پێكردبوو.
شاباز زەمانی ساڵی ١٩٩٠ لە سلێمانی لەدایك بووە، ماوەی چەند ساڵێكە دەستی بە ئەنجامدانی كاری هونەری كردووە و خاوەنی چەند كلیپێكە پێشتر زیاتر لە شەوە ئاھەنگ و کۆنسێرتەکان بەرھەمە ھونەرییەکانی پێشکەش دەکرد.