سەرۆکی فراکسیۆنی نەوەی نوێ لە پەرلەمانی
کوردستان ئاشکرایکرد، ئەمڕۆ دەست لەکاردەکێشمەوە و یەک دینار موچەی خانەنشینی وەرناگرم.
ئەمڕۆ یەکشەممە ٢٧ی شوبات، کازم فاروق سەرۆکی
فراکسیۆنی نەوەی نوێ لە پەرلەمانی کوردستان لە کۆنفرانسێکی رۆژنامەنوسیدا رایگەیاند،
"من بەدەنگی خەڵک هاتووم بۆ پەرلەمان و یەکێتی و پارتی دەبێت بە ئاواتەوەبن
من تەنزولیان بۆ بکەم".
باسی لەوەشکرد، یەکێتی و پارتی و سەرۆکایەتی پەرلەمان
بۆیە رێگرییان لێکردووە چونکە ئەو کۆمپانیا و کارگە و بیرە نەوت و قاچاغچێتی سەر
سنورەکانی نەبووە و مامەڵەی لەگەڵدا نەکردوون و باسی لە مافی خەڵک و بار گرانی ژیان
و گوزەران و موچە و دزینی بیرەنەوتەکان کردوون،
هەروەها ئەوان وەک فراکسیۆنی نەوەی نوێ زۆر پێداگرییان
کردووە لەسەر رەتکردنەوەی خانەنشینی پەرلەمانتاران و وەزیرەکان و پلە باڵا و تایبەتەکان.
وتیشی "دەستلەکارکێشانەوەی خۆی لە ئەندامێتی
پەرلەمان پێشکەشی سەرۆکایەتی پەرلەمان دەکات و دواتر بە نوسراوێک داوا لە وەزارەتی
تەندروستی دەکات وەک پزیشک لە نەخۆشخانەی هیوا دەست بە خزمەتکردنی هاوڵاتییان دەکاتەوە".