وەزارەتی بازرگانی و
پیشەسازی حكومەتی هەرێم رایدەگەیەنێت، "لە شاری سلێمانی بڕی پێویست ڕۆن و زەیت
لەكۆگاكان هەیە و پێویست ناكات هاوڵاتییان لەو بارەیەوە نیگەران بن. "
ئەمڕۆ ٧ی ئادار
دووشەممە، وەزارەتی بازرگانی و پیشەسازی لە راگەیەنراوێكدا رایگەیاندووە "دوای
بەدواداچونی لیژنەكانی بەڕێوەبەرایەتی چاودێری بازرگانی سلێمانی بۆ كۆگاكانی هەڵگرتنی
ڕۆن و (زەیت) ڕۆنی شل لە شاری سلێمانی هاوڵاتیانی شاری سلێمانی دڵنیا دەكاتەوە پێویست
ناكات نیگەران بن و بڕی پێویست ڕۆن و (زەیت) ڕۆنی شل لەكۆگاكان هەیە".
وەزارەت ئاماژەی بەوەكردووە،
ڕۆژانە لیژنەكان سەردانی بەردەوامیان هەیە بۆ سەرجەم كۆگاكان و بەدواداچوون كردن بۆ
چاودێریكردنی رێژەی خۆراك لە كۆگاكاندا.
لە دوێنێوە هاوڵاتیان
بەشێوەیەكی بەربڵاو روویان لە بازاڕەكان كردووە بۆ كڕینی رۆن و زەیت.