لای خۆشیەوە وەزارەتی دەرەوەی ئەڵمانیا رایگەیاند" هێرشەکەی سەر شاری هەولێر بەتوندترین شێوە ئیدانە دەکەین و پشتگیریی بەردەوامی هەوڵە هاوبەشەکان دەکەین بۆ بەهێزکردنی سەروەری عێراق و بەردەوامی شەڕی دژی داعش".
هەروەها، حکومەتی میسر لە بڵاوکراوەیەکدا ئاماژەی بەوەدا، بەتوندی سەرکۆنەی ئەو هێرشە تیرۆرستییە ترسنۆکانە دەکەین کە شاری هەولێری کردە ئامانج،
شانبەشانی عێراق دەبین لە گرتنەبەری هەر رێوشوێنێکی پێویستە بۆ پاراستنی ئاسایش و سەقامگیرییەکەی.
وەزارەتی دەرەوەی فەڕەنساش ڕایگەیاند" هێرشەکەی شاری هەولێر ئاسایشی عێراق و ناوچەکە دەخاتە مەترسییەوە و دەکرێت ئەو هێرشانە کاریگەری نەرێنیان لەسەر لێکتێگەیشتنە ئەتۆمییەکان لەگەڵ ئێران هەبێت، بۆیە پێویستە کۆتایی بەو کردەوانە بهێندرێت".
بەرەبەیانی دوێنێ یەکشەممە (١٢) موشەکی دورمەودای بالیستی لە سنورەکانی دەرەوەی عێراق، لە رۆژهەڵاتەوە ئاراستەی باڵەخانەی نوێی کونسوڵخانەی ئەمریکی لە هەولێر کران، سوپای پاسدارانی ئێران بەرپرسیاریەتی هێرشەکەی لە ئەستۆ گرت.