مەسرور بارزانی، سەرۆكی حكومەتی هەرێمی كوردستان بۆ كۆبوونەوە لەگەڵ سەرۆك وەزیرانی بەریتانیا گەیشتە شاری لەندەنی پایەختی ئەو وڵاتە.
ئەمڕۆ مەسرور بارزانی سەرۆكی حكومەتی هەرێمی كوردستان، بەسەرۆكایەتی شاندێكی حكومی و بە سەردانێكی فەرمی، گەیشتە لەندەنی پایتەختی بەریتانیا و لەگەڵ سەرۆك وەزیران بۆریس جۆنسن و بەرپرسە باڵاكانی دیكەی ئەو وڵاتە كۆدەبێتەوە.
بەپێی راگەیەنراوی سەرۆكایەتی حكومەت، لە دیدارەكاندا گفتوگۆ دەربارەی پەرەپێدانی پەیوەندییەكانی هەرێمی كوردستان و بەریتانیا و دوایین گۆڕانكاری و پەرەسەندنەكانی عێراق و ناوچەكە دەكرێت.
لە چەند رۆژی رابردووشدا مەسرور بارزانی سەردانی توركیای كرد و لەگەڵ رەجەب تەیب ئەردۆغان، سەرۆك كۆماری ئەو وڵاتە كۆبوەوە.