وەزارەتی پێشمەرگەی هەرێمی کوردستان ڕەتی دەکاتەوە هیچ پەیوەندییەکیان بە هێرشەکانی تورکیا هەبێت و جوڵەیان پێکرابێت.

ئەمڕۆ ٢١ی نیسان پێنج شەممە، وەزارەتی پێشمەرگە رایگەیاند " دوای دەستپێکردنی ئۆپەراسیۆنەکانی سوپای تورکیا لە ناوچە سنوورییەکانی هەرێم، کۆمەڵێک میدیای نابەرپرس سەرقاڵی تۆمەت بەخشینەوەن بە هێزی پێشمەرگە و تۆمەتباری دەکەن بەوەی هاوکاری و بەشداری ئەو ئۆپەراسیۆنەی کردووە، ئاماژەی بەوەشکرد، ئێمە لە وەزارەتی پێشمەرگە تەواوی ئەو تۆمەتانە رەتدەکەینەوە و رایدەگەیەنێین کە بە هیچ شێوەیەک هێزی پێشمەرگە بەشداری ئۆپەراسیۆنەکانی تورکیای نەکردووە و جوڵەیان پێنەکراوە".

باسی ئەوەشکراوە، وەک هەمیشە پێشمەرگە لە سەنگەرەکانی بەرگریدا چاوکراوەیە و رێگە نادات هیچ ناوچەیەکی دیکە بکەوێتە ژێر هەژموونی یەکلایی کردنەوەی کێشەکانی نێوان لایەنە ناکۆکەکان، چونکە ساڵانێکی زۆر خەڵکی کوردستان باجی ململانێ ناوچەییەکان دەدەن و زیانی زۆریان بەرکەوتووە، جەختیشدەکەینەوە، پێویستە رێز لە سەروەری خاکی هەرێمی کوردستان و عێراق بگیرێت.