وەزارەتى پلاندانانى عێراق ژمارەى دانیشتووان و گەشەى ساڵانەى دانیشتووانى بە نێرو مێ وە بڵاوکردەوە کە زیاترە لە ٤١ ملیۆن هاوڵاتی .

ئەمڕۆ هەینی ٢٢ی نیسان ، وتەبێژى وەزارەتى پلاندانان، عەبدولزهرە هنداوى بە ئاژانسى فەرمى عێراقى راگەیاند، بەپێی دوایین خەمڵاندن ژمارەى دانیشتووان گەیشتووەتە ٤١  مليۆن و ١٥٠هەزار کەس، ٪٥٠،٥  ى نێر و ٪٤٩،٥ مێ یە و هەروەها وتیشى" ڕێژەى گەشەى ساڵانە ٢.٦ ٪  ساڵى ٢٠٢٠ گەشەى دانیشتووان ملیۆنێک و٢٥٨ هەزار بووە، لەکاتێکدا ساڵى ٢٠٢١ گەیشتووەتە دوو ملیۆن و ٢٨٤. 

ناوبراو  هۆکاری دواکەوتنی سەرژمێری گشتی شی گەڕاندەوە بۆ نەبوونى بودجە و بڵاوبوونەوەى ڤایرۆسی کۆرۆنا.