ئەو گەنجەی شەوی رابردوو لە ماڵی خۆیان چووبووە دەرەوە، ئەمڕۆ بە سەربڕاوی دۆزرایەوە و تائێستاش لێكۆڵینەوە لەو رووداوە بەردەوامە.
زەنون یونس، بەڕێوەبەری ناحیەی باشیكێ بە میدیاكانی راگەیاندووە "شەوی رابردوو عەدنان نەشوان سڵێمان ئەو گەنجە تەمەن ١٧ ساڵەی لە شاری دهۆك لە ماڵ چووە دەرەوە و نەگەڕاوەتەوە، دواتر كەسوكاری پۆلیسیان ئاگاداركردۆتەوە و دوای نزیكەی ١٤ كاتژمێر گەڕان، كاتژمێر ١١ی پێشنیوەڕۆی ئەمڕۆ لە باخێك لە ناوچەی باشێك لە سنوری پارێزگای نەینەوا تەرمەكەی دۆزرایەوە".
ناوبراو ئاماژەی بەوەكردووە "ئەو گەنجە كوردی شەبەكە و بەپێی زانیاری كەسوكاری، هیچ كێشەی لەگەڵ كەسدا نەبووە، بۆیە لێكۆڵینەوە لە رووداوەكە بەردەوامە".