وا بڕیارە ئەمڕۆ پەڕلەمانی كوردستان بە ئامادە
بوونی وەزیری بازرگانی هەرێم كۆببێتەوە و لەبارەی گرانی بازار گفتوگۆ بكرێت.
سامان ئەحمەد، بەڕێوەبەری ڕاگەیاندنی پەڕلەمانی
كوردستان ڕایگەیاند، ئەمڕۆ یەكشەممە پەڕلەمانی كوردستان بە ئامادەبوونی وەزیری
بازرگانی و پیشەسازی ھەرێم، كۆدەبێتەوە، لە كۆبوونەوەكەدا ڕاپۆرتێك دەخرێتەڕوو سەبارەت بە گرانی بازاڕ و بەرزبوونەوەی
نرخی پێداویستیی ڕۆژانەی ھاووڵاتییان و گفتوگۆی لەبارەوە دەكرێت.
وتیشی، لە تەوەرێكی دیكەی كۆبونەوەكەدا خوێندنەوەی دووەم
بۆ پێشنیازەیاسای بەركاركردن و ھەمواركردنی یاسای فیدڕاڵی و واژۆی ئەلیكترۆنی و
مامەڵە ئەلیكترۆنییەكان دەكرێت.
ئەمەش لەکاتێکدایە ئەو كۆبوونەوەیەی پەڕلەمانی
كوردستان سەبارەت بە گرانی بازاڕ لەكاتێكدایە لە هەرێمی كوردستان هەتا دێت نرخی كاڵاو
شمەكەكان زیاتر بەرز دەبنەوە بەتایبەت پێداویستییە سەرەكییەكانی هاووڵاتییان.