بڕیارە هەفتەی داهاتوو، رێوشوێنەكانی كردنەوەی
سێ نەخۆشخانەی دەرونی لە پارێزگاكانی(هەولێر، سلێمانی، دهۆك) جێبەجێبكرێن.
ئەمڕۆ سێشەممە ١٤ی حوزەیران، وەزارەتی كار و كاروباری كۆمەڵایەتی، لە راگەیانراوێكدا بڵاویكردوەوە،
كوێستان محەمەد وەزیری كارو كاروباری كۆمەڵایەتی سەرپەرشتی هەردوو لیژنەی باڵای وەزارەتی
كار و كاروباری كۆمەڵایەتی و وەزارەتی تەندروستی كرد بۆ نەخۆشخانە دەرونییەكانی هەر
سێ پارێزگای هەولێرو سلێمانی و دهۆك ، هەروەهالە هەفتەی داهاتودا، رێوشوێنەكانی كردنەوەی نەخۆشخانەكان جێبەجێدەكرێت
و لیستی ناوەكانی هەر سێ پارێزگاكە بۆ دامەزراندنیان بەرزدەكرێنەوە بۆ ئەنجومەنی وەزیران
، پێداویستی شوێنی نەخۆشخانەكانیش دابین دەكرێن.
هەرلە ڕاگەیانراوەكەدا هاتووە، هەردو وەزارەت،
رێككەوتن لە ماوەیەكی زۆر زوودا، نەخۆشخانەكان بكرێنەوە، چونكە گوشارێكی زۆر لەسەر
هەردو وەزارەت هەیە ، بۆ گرتنە خۆی ئەو ئافرەت و ژنانەی كە بەهۆی كێشە جۆراوجۆرەكانیانەوە،
رووبەڕووی نەخۆشی دەرونی بونەتەوە.