شاندێکی هاوبەشی هەردوو وەزارەتی بەرگری و ناوخۆی حکومەتی عێراق و فەرماندەی ئۆپراسیۆنە هاوبەشەکان گەیشتنە هەولێر و لەلایەن رێبەر ئەحمەد وەزیری ناوخۆی حکومەتی هەرێمەوە پێشوازیان لێکرا.

بەپێی ڕاگەیەنراوی فەرمیی کۆبوونەوەکە، شانده‌كه‌ پيرۆزبايييان له‌ گۆڕانكارييه‌كانى ئه‌م دواييه‌ى وه‌زاره‌تى پێشمه‌رگه‌ى حكوومه‌تى هه‌رێمى كوردستان كرد و هيواى سه‌ركه‌وتنيان بۆ ئه‌و فه‌رمانده‌ و پله‌دارانه‌ خواست كه‌ له‌ پۆسته‌كانى وه‌زاره‌تدا ده‌ستبه‌كار بوون، ئەوشاندە وتیشی"سه‌ردانه‌كه‌يان به‌شێكه‌ له‌ به‌رنامه‌ى هاوكارى و هه‌ماهه‌نگيى سوپا له‌گه‌ڵ پێشمه‌رگه‌ و ئاماده‌يييان بۆ به‌ره‌وپێشبردنى زياترى په‌يوه‌ندييه‌كان و هاريكارى و هه‌ماهه‌نگيى وه‌زاره‌تى به‌رگريى عيراق له‌گه‌ڵ وه‌زاره‌تى پێشمه‌رگه‌ و لايه‌نه‌ په‌يوه‌نداره‌كانى هه‌رێمى كوردستان، نيشان دا." 

هەر بەپێی ڕاگەیەنراوەکە، نێچيرڤان بارزانى سوپاسى كردن و دووپاتى كرده‌وه‌ كه‌ سه‌ردانه‌كه‌يان په‌يامێكى به‌هێزى پشتگيرى و هاوكارييه‌ و هيواى خواست به‌ چاوى هاوبه‌ش و وه‌ك به‌شێك له‌ سيستمى به‌رگريى عيراقى سه‌يرى پێشمه‌رگه‌ بكرێت كه‌ بۆ هه‌مان ئامانج كار ده‌كه‌ن، ئه‌ويش پاراستنى وڵات و ئارامى سه‌قامگيرييه‌. 

هه‌ڕه‌شه‌ و جمووجووڵه‌كانى داعش به‌تايبه‌تى له‌و ناوچانه‌ى كه‌ جوگرافيايه‌كى سه‌خيتان هه‌يه و له‌ ناوچه‌كانى سه‌ر سنوور له‌گه‌ڵ سووريا‌، ته‌وه‌رێكى ديكه‌ى ديداره‌كه‌ بوو. تيايدا هه‌ردوولا جه‌ختيان له‌ گرنگيى هاريكارى و هه‌ماهه‌نگيى نێوان سوپا و پێشمه‌رگه‌ و سوودوه‌رگرتن له‌ پشتگيريى هاوپه‌يمانيى نێوده‌وڵه‌تى كرده‌وه‌ بۆ بنه‌بڕكردنى يه‌كجاره‌كيى داعش.

ئەمەش دوای ئەوەدێت، چەند ناوچەیەکی بۆشایی ئەمنیی لەنێوان هێزەکانی پێشمەرگە و سوپای فیدراڵیدا هەیە، کە بووەتە شوێنی خۆحەشاردان و چالاکییەکانی چەکدارانی رێکخراوی تیرۆریستی داعش لە عێراقدا و لەو ناوچانە هێرشدەکەنە سەر گوندنشینان و زیانیان پێدەگەینن، یاخود شوانکارەکان دەڕفێنن و لەبەرامبەر بڕە پارەیەکدا دەیاندەنەوە خانەوادەکانیان.