لە رۆژانی جەژنی قورباندا زیاتر لە ١٥٨ هەزار روویان لە ناوچە گەشتیارییەكانی پارێزگای هەولێر كردووە.
پارێزگای هەولێر لە راگەیەنراوێكدا رایگەیاندووە، لە رۆژانی جەژنی قورباندا ١٥٨ هەزار و ٨٨٣ گەشتیار روویان لە ناوچە گەشتیارییەكانی پارێزگای هەولێر كردووە، هەروەها ئاماژەی بەوەكردووە، لەرۆژانی جەژندا ٤١ تاوان تۆماركراوە، ٣٦ تاوان ئاشكراكراوە، ٥ تاوانیش لە ژێرلێكۆڵینەوەدایە.
هەر بەپێی راگەیەنراوەكە بەهۆی پابەندنەبوونی شوفێران بەڕێنمایی و یاساكانی هاتووچۆ و لێخوڕینی خێرا، ١٤ رووداوی هاتووچۆ ڕوویاندا و لەئەنجامیاندا ٦ كەس برینداربون و ٣ كەسیش گیانیان لەدەستدا.