وەزارەتی ئەوقاف و كاروباری ئاینی حكومەتی هەرێمی كوردستان رایدەگەیەنێت، سبەینێ دووشەممە یەكەم كاروانی حاجیانی كوردستان لە وڵاتی سعودیەوە دەگەنەوە شاری هەولێر.
وەزارەتی ئەوقاف و كاروباری ئاینی حكومەتی هەرێمی كوردستان لە راگەیەنراوێكدا رایگەیاندووە "سبەی دووشەممە ١٨ ی تەمووز ٢٠٢٢ یەكەمین كاروانی حاجیانی كوردستان دەگەنەوە فرۆكەخانەی نێودەوڵەتی ھەولێرو ژمارەیان ٢٠٠ حاجی پارێزگای ھەولێرە، فرۆكەكە لەشاری جەدە كاتژمێر ٨ بەیانی بەرێدەكەوێ و كاتژمێر ١١ ی بەیانی دەگاتەوە ھەولێر".
وەزارەتی ئەوقاف ئاماژەی بەوەكردووە "گەشتەكان بەردەوامیان دەبێت تاوەكو ڕێكەوتی ٢٤ ی تەمووز سەرجەم حاجیانی كوردستان دەگەنەوە ھەرێمی كوردستان".