وەزارەتی دارایی و ئابوری حكومەتی هەرێمی كوردستان رایدەگەیەنێت، دوای تێكچوونی باری تەندروستی ئاوات شێخ جەناب، وەزیری ، دارایی و ئابوری ئێستا باری تەندروستی جێگیرە.
وەزارەتی دارایی و ئابوری حكومەتی هەرێم لە روونكردنەوەیەكدا رایگەیاندووە، پاش ئەوەی رۆژی پێنجشەممە 8ی ئاب، دۆخی تەندروستی ئاوات جەناب نوری، وەزیری دارایی و ئابوری تێكچوو، بەمەبەستی چارەسەر سەردانی نەخۆشخانەی كرد و چارەسەری پێویستی بۆ ئەنجامدرا.
وەزارەتی دارایی ئاماژەی بەوەكردووە، ئەمڕۆ یەكشەممه وەزیری دارایی بە تەندروستییەكی باشەوە نەخۆشخانەی بەجێهێشت و لە ئێستادا دۆخی تەندروستی جێگیرە.