وا بڕیارە لە چەند ڕۆژی داهاتوودا دابەشكردنی نەوت لە ناوچە شاخاوییەكان دەست پێبكات.
عەلی حەمەساڵح، سەرۆكی لیژنەی وزە و سامانە سروشتییەكان لە ڕاگەیەنراوێكدا ڕایگەیاندووە، بۆ بودواداچوون ئەمڕۆ گفتوگۆیان لەگەڵ وەزیری سامانە سروشتیەكان بە وەكالەت كردووە و داوایان كردووە پەلە بكرێت لە دابەشكردنی نەوتی سپی، چونكە تائێستا دابەشكردنی نەوتی سپی دەستی پێنەكردووە و ئەگەر زیاتر دوابكەوێت، بڕینەوەی دار لە ناوچە شاخاوییەكان بەشێوەیەكی زۆر دەست پێدەكات.
ناوبراو ئاماژەی بەوەكردووە "وەزیر ڕایگەیاندووە بڕی 320 هەزار بەرمیل ئێستا ئامادەیە بۆ ناوچە شاخاوییەكان و لە چەند ڕۆژی داهاتوودا لە ناوچە شاخاوییەكان دەست پێبكات و پاشان مانگی 11 دەوروبەری و لە كۆتاییدا سەنتەری پارێزگاكان."