خوێندكارانی چەند زانكۆی و پەیمانگا بەهۆی پێنەدانی دەرماڵەكانیان لە لایەن حكومەتی هەرێمەوە هەڕەشەی دەستپێكردنەوەی خۆپیشاندان و بایكۆتی هۆڵەكانی خوێندن دەكەن.
لە کۆنگرەیەکی رۆژنامەگەریدا، زانیار فەرەیدون، نوێنەری ئەو خوێندكارانە بە میدیاکانی ڕایگەیاند " ساڵی ڕابردوو دوای خۆپیشاندانی خوێندكاران بڕیاردرا بە پێجانی دەرماڵەی خوێندكاران لەژێر ناونیشانی پاڵپشتی دارایی خوێندكاران، بەڵام بۆ ئەمساڵی خوێندن تا ئێستا هیچ بڕیارێك نەدراوە بۆ بەردەوام بوون و بە یاساییكردنی ئەو دەرماڵەیە و چەسپاندنی".
لە درێژەی قسەکانیدا وتیشی" هەتا ڕۆژی سێشەممەی داهاتوو مۆڵەت دەدەینە حكومەت و لایەنی پەیوەندیدار، گەر بەدەم داواکارییەکانمانەوە نەیەن پەنا دەبەینەوە بەر خۆپیشاندان و بایکۆتکردن".
خوێندکاران هۆشداری دەدەینە لایەنە سیاسییەكان و ئۆپۆزسیۆن هیچ لایەنێك بیر لەوە نەكاتەوە ناڕەزایەتییەكانی خوێندكاران بۆ بەرژەوەندی سیاسی خۆی بەكاربهێنێت.
هەتا مانگی شەشی ساڵی پار دەرماڵەی خوێندكارانی زانكۆ وەرگیراوە و تا ئێستا بۆ ئەمساڵی خوێندن هیچ دەرماڵەیەك نەدراوە بە خوێندكاران.