حكومەتی هەرێمی كوردستان نزیكەی دوو ملیار دیناری بۆ كەمكردنەوەی كاریگەرییەكانی لافاوی نزیك شاری هەولێر تەرخانكرد.
حكومەتی هەرێم رایگەیاند، مەسرور بارزانی، سەرۆكی حكومەتی هەرێمی كوردستان (ماوەبەسەرچوو)، رەزامەندی لەسەر تەرخانكردنی بڕی یەك ملیار و 985 ملیۆن دینار داوە بە مەبەستی كەمكردنەوەی كاریگەریی لافاو لە گوندی گردجوتیار لە نزیك شاری هەولێر.
هەروەها ئاماژەی بەوەكردووە، ئەم بودجەیە بە شێوەی نەختینە و بە قۆناغ لەسەر بودجەی وەبەرھێنانی وەزارەتی كشتوكاڵ و سەرچاوەكانی ئاو جێبەجێ دەكرێت.