بەڕێوەبەرایەتی گشتوگوزاری سلێمانی ڕایدەگەیەنێت" بە بۆنەی پشووەکانی سەری ساڵی نوێوە، ٦۷ هەزار گەشتیار سەردانی پارێزگای سلێمانیان کردووە".
لە ڕاگەیەندراوێكدا بەڕێوەبەرایەتی گشتوگوزاری سلێمانی بڵاویكردەوە" لەماوەی ڕۆژانی ۲۰۲٢/۱۲/۲٥ تا ۲۰۲۳/۱/۳ لە ڕێگەی بازگە و خاڵە سنووریەکان و فڕۆکەخانەی نێودەوڵەتی سلێمانی زیاتر لە ٦۷ هەزار گەشتیار سەردانی پارێزگای سلێمانییان کردووە و لەو ڕێژەیە، زیاتر لە ٨۰٪ خەڵكی شارەکانی ناوەڕاست و باشوری عێراق بوون".
ئاماژەی بەوەشکردووە، بەراورد بە بۆنەی سەری ساڵی ڕابردوو، ئەمساڵ ڕێژەی هاتنی گەشتیاران زیاتر لە دوو هێندە زیادی کردووە، کە ڕێژەکەی پار ساڵ نزیکەی ۳۰ هەزار گەشتیار بووە.